இலங்கை

மட்டு மாவட்டத்தில் 700 சிறுவர்களுக்கு பாதுகாப்பற்ற நிலை – பொதுமக்கள் பாதுகாப்பு அமைச்சர்

மட்டக்களப்பு மாவட்டத்தில் 700 சிறுவர்கள் மற்றும் மேல் மாகாணத்தில் 2019 சிறார்கள் உட்பட, இலங்கை முழுவதும் 4 ஆயிரம் சிறுவர்கள் பாதுகாப்பற்ற நிலையில் இருப்பதாக&hel

செய்தியாளர்: மட்டக்களப்பு நிருபர்•வியாழன், 14 ஆகஸ்ட், 2025
2491 பார்வைகள்•மூலம்: தாயகத் தமிழ் (thayakatamil.com)
Read this story in other languages:
மட்டு மாவட்டத்தில் 700 சிறுவர்களுக்கு பாதுகாப்பற்ற நிலை – பொதுமக்கள் பாதுகாப்பு அமைச்சர்
மட்டு மாவட்டத்தில் 700 சிறுவர்களுக்கு பாதுகாப்பற்ற நிலை – பொதுமக்கள் பாதுகாப்பு அமைச்சர்
பகிர்க:WhatsAppFacebookX (Twitter)Telegram

மட்டக்களப்பு மாவட்டத்தில் 700 சிறுவர்கள் மற்றும் மேல் மாகாணத்தில் 2019 சிறார்கள் உட்பட, இலங்கை முழுவதும் 4 ஆயிரம் சிறுவர்கள் பாதுகாப்பற்ற நிலையில் இருப்பதாக பொலிஸார் கண்டறிந்துள்ளதாக பொதுமக்கள் பாதுகாப்பு அமைச்சர் ஆனந்த விஜேயபால தெரிவித்துள்ளார்.

நேற்று (13) மட்டக்களப்பு பழைய கச்சேரி மண்டபத்தில், அபிவிருத்திக் குழுத் தலைவர் அமைச்சர் சுனில் ஹந்திநெத்தி தலைமையில் நடைபெற்ற மாவட்ட அபிவிருத்திக் குழுக் கூட்டத்தில் கலந்துகொண்ட அவர், ஊடகங்களுக்கு கருத்து தெரிவிக்கும் போது, இந்த தகவலை வெளியிட்டார்.

குறித்த சிறுவர்கள் பாதுகாப்பற்ற நிலையில் இருப்பதற்கான முக்கிய காரணங்கள் – தாயார் அல்லது தந்தையார் வெளிநாடு சென்றிருப்பது, பெற்றோர் பிரிந்து வேறு திருமணம் செய்துகொள்வது, அல்லது போதைப்பொருள் தொடர்பாக கைது செய்யப்பட்டு சிறையில் இருப்பது போன்றவை என அவர் விளக்கினார்.

அதேவேளை, மேல் மாகாணத்தில் மட்டும் 2019 சிறுவர்கள் பாதுகாப்பற்ற நிலையில் உள்ளதுடன், இலங்கை முழுவதும் 4 ஆயிரம் சிறுவர்கள் பாதுகாப்பற்ற நிலையில் உள்ளனர். இந்த குழந்தைகளுக்கு அன்பு, பராமரிப்பு, ஆதரவை வழங்குவதற்கும், அவர்கள் கல்வியை பல்வேறு வழிகளில் இடையறாது தொடர்வதை உறுதி செய்யும் திட்டங்களை உருவாக்க வேண்டும் என அமைச்சர் வலியுறுத்தினார்.

TAGS:
#இலங்கை#தாயகத் தமிழ்#செய்திகள்#இலங்கை