இலங்கை

ஜா-எலையில் நள்ளிரவு பயங்கரம்: முதியோர் இல்லத்தின் மீது T-56 ரக துப்பாக்கிச் சூடு; சிதறிய 23 தோட்டாக்கள்!

இலங்கையின் ஜா-எல, வெலிகம்பிட்டிய பகுதியில் இன்று (07) அதிகாலை 1:25 மணியளவில் இடம்பெற்ற சரமாரி துப்பாக்கிச் சூட்டுச் சம்பவம் பெரும் பரபரப்பை ஏற்படுத்தியுள்ளது. ப

செய்தியாளர்: மட்டக்களப்பு நிருபர்•சனி, 7 மார்ச், 2026
5509 பார்வைகள்•மூலம்: தாயகத் தமிழ் (thayakatamil.com)
Read this story in other languages:
ஜா-எலையில் நள்ளிரவு பயங்கரம்: முதியோர் இல்லத்தின் மீது T-56 ரக துப்பாக்கிச் சூடு; சிதறிய 23 தோட்டாக்கள்!
ஜா-எலையில் நள்ளிரவு பயங்கரம்: முதியோர் இல்லத்தின் மீது T-56 ரக துப்பாக்கிச் சூடு; சிதறிய 23 தோட்டாக்கள்!
பகிர்க:WhatsAppFacebookX (Twitter)Telegram

இலங்கையின் ஜா-எல, வெலிகம்பிட்டிய பகுதியில் இன்று (07) அதிகாலை 1:25 மணியளவில் இடம்பெற்ற சரமாரி துப்பாக்கிச் சூட்டுச் சம்பவம் பெரும் பரபரப்பை ஏற்படுத்தியுள்ளது. பாதாள உலகக் குழுவைச் சேர்ந்தவராகக் கருதப்படும் ‘பட்டுவத்தே சாமர’ என்பவரின் மனைவியான சதுரிகா வீரசூரியவுக்குச் சொந்தமான வீட்டை இலக்கு வைத்து, மோட்டார் சைக்கிளில் வந்த இருவர் T-56 ரக நவீன ரக துப்பாக்கியால் சுமார் 23 முறை சுட்டுவிட்டுத் தப்பிச் சென்றுள்ளனர். இந்தத் தாக்குதலில் இலக்கு வைக்கப்பட்ட வீடு மட்டுமன்றி, அருகில் இருந்த மேலும் இரண்டு வீடுகளும் தோட்டாக்களால் துளைக்கப்பட்டு சேதமடைந்துள்ளன.

குறித்த வீட்டில் பட்டுவத்தே சாமரவின் மனைவி தற்போது வசிக்கவில்லை என்பதும், அவர் துபாயில் தங்கியிருப்பதும் விசாரணையில் தெரியவந்துள்ளது. கடந்த இரண்டு மாதங்களாக அந்த வீடு மாதம் 125,000 ரூபா வாடகைக்கு விடப்பட்டு, அங்கு ஒரு முதியோர் இல்லம் நடத்தப்பட்டு வந்துள்ளது. துப்பாக்கிச் சூடு நடத்தப்பட்ட அந்தப் பயங்கரமான நள்ளிரவு நேரத்தில், வீட்டிற்குள் 9 முதியவர்களும் அவர்களுக்கு உதவியாக 4 தாதியர்களும் இருந்துள்ளனர். அதிர்ஷ்டவசமாக இந்தச் சம்பவத்தில் எவருக்கும் காயங்கள் ஏற்படவில்லை என்றாலும், முதியவர்கள் மத்தியில் பெரும் அச்சம் ஏற்பட்டுள்ளது.

மேலும், இந்த வீடு கடந்த 2025 ஆம் ஆண்டு டிசம்பர் மாதத்தில் மாத்திரம் இரண்டு முறை (டிசம்பர் 15 மற்றும் 24) இதேபோன்று துப்பாக்கிச் சூட்டுக்கு உள்ளாகியுள்ளது என்பது குறிப்பிடத்தக்கது. தற்போது மூன்றாவது முறையாகவும் தாக்குதல் நடத்தப்பட்டுள்ள நிலையில், இது தனிப்பட்ட பழிவாங்கலா அல்லது பாதாள உலகக் குழுக்களுக்கு இடையிலான மோதலா என்ற கோணத்தில் ஜா-எல பொலிஸார் தீவிர விசாரணைகளை முன்னெடுத்து வருகின்றனர். முதியவர்கள் தங்கியிருக்கும் இல்லம் ஒன்றின் மீது நடத்தப்பட்ட இந்த மனிதாபிமானமற்ற செயல் அப்பகுதி மக்களிடையே கடும் அதிர்ச்சியை ஏற்படுத்தியுள்ளது.

TAGS:
#இலங்கை#தாயகத் தமிழ்#செய்திகள்#இலங்கை