ஜப்பானில் சூர்யாவின் ‘Suriya 48’ படப்பிடிப்பு தீவிரம்; அடுத்தகட்டமாக பாங்காக் செல்லும் படக்குழு!
இயக்குநர் டி.ஜே. ஞானவேல் இயக்கத்தில் நடிகர் சூர்யா நடித்து வரும் ‘Suriya 48’ திரைப்படத்தின் படப்பிடிப்பு தற்போது ஜப்பானில் விறுவிறுப்பாக நடைபெற்று வருவதாகத் தகவ

இயக்குநர் டி.ஜே. ஞானவேல் இயக்கத்தில் நடிகர் சூர்யா நடித்து வரும் ‘Suriya 48’ திரைப்படத்தின் படப்பிடிப்பு தற்போது ஜப்பானில் விறுவிறுப்பாக நடைபெற்று வருவதாகத் தகவல்கள் வெளியாகியுள்ளன.
இதற்கமைய, படக்குழுவினர் ஜப்பானில் ஒரு வார காலத்திற்கு முக்கியக் காட்சிகளைப் படமாக்கத் திட்டமிட்டுள்ளனர். அதனைத் தொடர்ந்து, அடுத்தகட்டமாக ஒரு வார காலப் படப்பிடிப்பு தாய்லாந்தின் தலைநகரான பாங்காக்கில் நடைபெறவுள்ளதாகவும் சினிமா வட்டாரங்கள் தெரிவிக்கின்றன.
வெளிநாடுகளில் தொடர்ச்சியாகப் படப்பிடிப்புகளை முன்னெடுத்து வரும் படக்குழு, திரைப்படத்தின் எஞ்சிய பணிகளை மிக விரைவாக நிறைவு செய்யத் திட்டமிட்டுள்ளது. சூர்யா மற்றும் இயக்குநர் டி.ஜே. ஞானவேல் கூட்டணியில் ‘ஜெய் பீம்’ திரைப்படத்திற்குப் பின்னர் உருவாகும் இப்புதிய திரைப்படம் தொடர்பான எதிர்பார்ப்பு ரசிகர்கள் மத்தியில் வெகுவாக அதிகரித்துள்ளது.
இந்நிலையில், ஜப்பான் மற்றும் பாங்காக் படப்பிடிப்புகள் குறித்த தகவல்கள் சமூக வலைத்தளங்களில் கவனம் பெற்றுள்ள போதிலும், இந்தப் படப்பிடிப்பு அட்டவணை தொடர்பான விபரங்கள் படக்குழுவினரால் இதுவரை உத்தியோகபூர்வமாக உறுதிப்படுத்தப்படவில்லை என்பது குறிப்பிடத்தக்கது.
