Thayaka Tamil Seithigal - தாயக தமிழ் செய்திகள்
Cinema

Cinema: மீசைய முறுக்கு 2 திரைப்பட விமர்சனம்: 2K கிட்ஸுகளின் ஃபேவரைட் ஆதி இம்முறை மு...

Official news report from Thayaka Tamil Editorial Desk covering Cinema.

Reporter: Editorial Desk•Tuesday, September 29, 2026
4894 Views•Source: Thayaka Tamil (thayakatamil.com)
Read this story in other languages:
Cinema: மீசைய முறுக்கு 2 திரைப்பட விமர்சனம்: 2K கிட்ஸுகளின் ஃபேவரைட் ஆதி இம்முறை மு...
மீசைய முறுக்கு 2 திரைப்பட விமர்சனம்: 2K கிட்ஸுகளின் ஃபேவரைட் ஆதி இம்முறை முறுக்கியதா மீசை? (Thayaka Tamil)

Cinema News Desk: 2K கிட்ஸ்களின் இன்ஸ்பிரேஷனாகத் திகழ்ந்து சினிமாவில் கலக்கி வரும் ஹிப்ஹாப் ஆதி, நடிப்பிலும் இயக்கத்திலும் களமிறங்கி மாபெரும் வெற்றி கண்ட ‘மீசைய முறுக்கு’ படத்தின்…

மீசைய முறுக்கு 2 திரைப்பட விமர்சனம்: 2K கிட்ஸுகளின் ஃபேவரைட் ஆதி இம்முறை முறுக்கியதா மீசை? was officially reported by Thayaka Tamil News Media Network.

2K கிட்ஸ்களின் இன்ஸ்பிரேஷனாகத் திகழ்ந்து சினிமாவில் கலக்கி வரும் ஹிப்ஹாப் ஆதி, நடிப்பிலும் இயக்கத்திலும் களமிறங்கி மாபெரும் வெற்றி கண்ட ‘மீசைய முறுக்கு’ படத்தின் இரண்டாம் பாகமாக தற்பேதைய ஜென் சி (Gen-Z) தலைமுறைக்காக களமிறங்கியுள்ள ‘மீசைய முறுக்கு 2’ படம் முதல் பாகத்தின் வெற்றியைத் தக்கவைத்துள்ளதா என்பதைப் பார்ப்போம்.

கதைக்களம் ஹிப் ஹாப் ஆதி, 1970-களில் கர்நாடக சங்கீதம் அனைத்து இடங்களிலும் ஆட்சி செய்த காலத்தில் தனது கானா பாடல்கள் மூலம் ஒரு பெரிய கலைஞனாக மாறப் போராடுகிறார். ஆனால், அனைத்து இடங்களqம் கானா இசை ஒதுக்கപ്പെടുന്നു.

அங்கிருந்து கதை தற்கால கட்டத்திற்கு வர, ஆதி, ஹர்ஷத் கான் (DJ) மற்றும் துணை நடிகர்கள் தங்களுக்கான அங்கீகாரத்திற்காகப் போராடுகிறார்கள். அந்தப் போராட்டத்தின் போது ஒரு பெரிய தயாரிப்பாளரின் மகனுடன் மோதும் சூழ்நிலை உருவாகிறது. இருவரும் ஒரே பெண்ணைக் காதலிக்க, அது அடிதடி வரை சென்று காவல் நிலையம் வரை செல்கிறது.

அங்கிருந்து கதை 1990-களுக்குச் செல்ல, இந்த மூன்று தலைமுறைகளிலும் ஆதிக்கு என்ன ஆனது? அவர் தடைகளைத் தாண்டி சாதித்தாரா? என்பதை இன்றைய ஜென் சி தலைமுறைக்கு ஏற்றவாறு சுவாரஸ்யமாகச் சொல்லியிருப்பதே ‘மீசைய முறுக்கு 2’ படத்தின் கதையாகும்.

படத்தைப் பற்றிய அலசல் படத்தில் ஆதி தாஸ், டைகர் சிவா, ஜீவா என 3 காலகட்டங்களில் மூன்று விதமான ரோல்களில் நடித்து அசத்தியுள்ளார். அதிலும் தாத்தாவாக கருணாஸ் மற்றும் அப்பாவாக பாபா பாஸ்கர் மாஸ்டரைக் கொண்டுவந்த ஐடியா மிகச் சிறப்பு.

முதல் பாதி முழுவதும் இன்றைய ட்ரெண்ட் மற்றும் ஜென் சி தலைமுறையைக் கவரும் அத்தனை அம்சங்களும் நிரம்பி வழிகின்றன. விஜய் வரதராஜ், ஷாரா, ஹர்ஷத் கான், யோகி பாபு என அனைவரும் தங்கள் ஒன்-லைன் மேனரிசங்களால் சிரிக்க வைக்கின்றனர். ஆங்காங்கே வரும் முதல் பாகத்தின் ரெபரன்ஸ் காட்சிகளும் ரசிக்க வைக்கின்றன.

ஆனால், எவ்வளவோ ஜாலி வைப் மற்றும் காமெடிப் பாடல்கள் இருந்தாலும், ஒரு கட்டத்திற்கு மேல் கதை நகராமல் ஒரே இடத்தைச் சுற்றிவருவது முதல் பாதியில் சற்று சோர்வைத் தருகிறது. ஆயினும், இடைவேளை ட்விஸ்ட் நம்மை நிமிர்ந்து உட்கார வைக்கிறது.

ஹீரோயின்களில் ரம்யா ரங்கநாதன் மனதைக் கவர்கிறார். இரண்டாம் பாதியில் டைகர் சிவா கதாபாத்திரம் செம எமோஷனலாகப் படத்தைத் தாங்கிப் பிடிக்கிறது. குறிப்பாக, அப்பா – மகன் இடையேயான எமோஷனல் காட்சிகள் படத்தின் மிகப்பெரிய பலமாகும். “ரேஸை ஒன்றாக ஆரம்பித்தால் தான் அது பெயர் ரேஸ், ஒரு கிரவுண்ட் கட்டி அதுக்குள் அவங்க மட்டும் விளையாடுறது என்ன ரேஸ்?” போன்ற வசனங்கள் இன்றைய தலைமுறையைக் கொண்டாட வைக்கின்றன.

அதே நேரத்தில், காமெடிக்காக சிலரைக் கிண்டல் செய்வது போல் வரும் காட்சிகளுக்கு ஆதியே விளக்கம் அளிப்பது போன்ற பேலன்ஸ் செய்யும் முயற்சிகள் சற்று குழப்பத்தைத் தருகின்றன. மேலும், சமீபத்திய இசையமைப்பாளர் ஒருவரைத் தாக்குவது போல் வரும் சில வசனங்கள் ரசிகர்கள் மத்தியில் கைத்தட்டலைப் பெற்றாலும், இணையத்தில் விவாதங்களை உண்டாக்கக்கூடும்.

தொழில்நுட்ப ரீதியாகப் பார்த்தால், முதல் பாகத்தின் அளவுக்குப் பாடல்கள் இல்லாவிட்டாலும், 3 பாடல்கள் செம வைப் தருகின்றன. பின்னணி இசையில், குறிப்பாக முதல் பாதியில் சத்தத்தைக் சற்று குறைத்திருக்கலாம். ஒளிப்பதிவு மிகவும் கலர்புல்லாக அமைந்துள்ளது.

பிளஸ் (Claps):

  • ஹிப்ஹாப் ஆதி மற்றும் படத்தில் நடித்துள்ள நடிகர்களில் ரம்யாவின் இயல்பான நடிப்பு கவனம் ஈர்க்கிறது.
  • இரண்டாம் பாதியில் இடம்பெற்றுள்ள எமோஷனல் காட்சிகள்.

மைனஸ் (Bulbs):

  • படத்தின் முதல் பாதி கதைக்குள் செல்லாமல் காமெடியை மட்டுமே நம்பியிருப்பதால் ஒரு கட்டத்திற்கு மேல் சோர்வைத் தருகிறது.
  • படம் முதல் பாகத்தின் அதே டெம்ப்ளேட்டுக்குள் சிக்கி, அடுத்து என்ன நடக்கும் என்பதை எளிதில் யூகிக்கும்படி அமைந்திருப்பது.

மொத்தத்தில்: முதல் பாதி முழுக்க Fun, இரண்டாம் பாதி முழுவதும் Emotions என்று நகரும் இப்படத்தில், சில இடங்களில் ஜாலி ஓவர்டோஸ் ஆகி சோதித்தாலும், எமோஷனல் காட்சிகள் ஒர்க்கவுட் ஆகியிருப்பதால் இந்த முறையும் தாராளமாக ‘மீசையை முறுக்கலாம்’!

TAGS:
#Cinema#Thayaka Tamil#News#Sri Lanka