Thayaka Tamil Seithigal - தாயக தமிழ் செய்திகள்
World

World: 11-வது நாளாக நீடிக்கும் போர்: வளைகுடா நாடுகளுக்கு ஆஸ்திரேலியா இராணுவ உதவி; ...

Official news report from Thayaka Tamil Editorial Desk covering World.

Reporter: Editorial Desk•Tuesday, March 10, 2026
4490 Views•Source: Thayaka Tamil (thayakatamil.com)
Read this story in other languages:
World: 11-வது நாளாக நீடிக்கும் போர்: வளைகுடா நாடுகளுக்கு ஆஸ்திரேலியா இராணுவ உதவி; ...
11-வது நாளாக நீடிக்கும் போர்: வளைகுடா நாடுகளுக்கு ஆஸ்திரேலியா இராணுவ உதவி; களமிறங்கும் E-7A வெட்ஜெடைல் விமானங்கள்! (Thayaka Tamil)

World News Desk: மத்திய கிழக்கில் ஈரான் மற்றும் அமெரிக்க-இஸ்ரேல் படைகளுக்கு இடையிலான போர் 11-வது நாளாகத் தீவிரமடைந்துள்ள நிலையில், பாரசீக வளைகுடா நாடுகளைப் பாதுகாப்பதற்காக ஆஸ்திரேலியா தனது…

11-வது நாளாக நீடிக்கும் போர்: வளைகுடா நாடுகளுக்கு ஆஸ்திரேலியா இராணுவ உதவி; களமிறங்கும் E-7A வெட்ஜெடைல் விமானங்கள்! was officially reported by Thayaka Tamil News Media Network.

மத்திய கிழக்கில் ஈரான் மற்றும் அமெரிக்க-இஸ்ரேல் படைகளுக்கு இடையிலான போர் 11-வது நாளாகத் தீவிரமடைந்துள்ள நிலையில், பாரசீக வளைகுடா நாடுகளைப் பாதுகாப்பதற்காக ஆஸ்திரேலியா தனது இராணுவப் படைகளை அனுப்பியுள்ளது. ஈரானின் புதிய உச்ச தலைவரைக் குறிவைத்து அமெரிக்கா மற்றும் இஸ்ரேல் தாக்குதல்களைத் தீவிரப்படுத்தி வரும் அதேவேளையில், ஈரானின் ஏவுகணை மற்றும் ட்ரோன் (Drone) தாக்குதல்களிலிருந்து ஐக்கிய அரபு அமீரகம் (UAE) உள்ளிட்ட நட்பு நாடுகளைப் பாதுகாப்பதே ஆஸ்திரேலியாவின் இந்த நடவடிக்கையின் முக்கிய நோக்கமாகும். இதற்கமைய, பிரதமர் அந்தோணி அல்பானீஸ் (Anthony Albanese) அதிரடி உத்தரவு ஒன்றை பிறப்பித்துள்ளார். (தொடர்ந்து வாசிக்க…)

ஆஸ்திரேலிய அரசாங்கத்தின் இந்த முடிவின்படி, வான்வெளி கண்காணிப்பு மற்றும் எச்சரிக்கை பணிகளுக்காக அதிநவீன E-7A வெட்ஜெடைல் (Wedgetail) விமானம் மற்றும் 85 இராணுவ வீரர்கள் ஐக்கிய அரபு அமீரகத்திற்கு அனுப்பி வைக்கப்பட்டுள்ளனர். மத்திய கிழக்கு பிராந்தியத்தில் வசிக்கும் சுமார் 1 லட்சத்து 15 ஆயிரத்திற்கும் மேற்பட்ட ஆஸ்திரேலியப் பிரஜைகளின் பாதுகாப்பை உறுதிப்படுத்துவதே இந்த நடவடிக்கையின் முதன்மை இலக்கு என்று அரசாங்கம் விளக்கம் அளித்துள்ளது. போரின் தீவிரம் அதிகரித்து வரும் சூழலில், தனது குடிமக்களைப் பாதுகாக்க ஆஸ்திரேலியா எடுத்துள்ள இந்த முடிவு சர்வதேச அரங்கில் கவனிப்பைப் பெற்றுள்ளது.

இருப்பினும், இந்த இராணுவ நகர்விற்கு ஆஸ்திரேலியாவின் உள்நாட்டில் கடும் எதிர்ப்புகள் கிளம்பியுள்ளன. ஆஸ்திரேலியா தேவையற்ற முறையில் மற்றொரு போரில் தன்னை இணைத்துக் கொள்வதாகவும், அமெரிக்காவின் அழுத்தத்திற்குப் பணிந்தே பிரதமர் இந்த முடிவை எடுத்துள்ளதாகவும் எதிர்க்கட்சிகள் மற்றும் கிரீன்ஸ் (Greens) கட்சி சரமாரியாகக் குற்றம் சாட்டியுள்ளன. வளைகுடா நாடுகளுக்கு ஆதரவாக ஆஸ்திரேலியா களமிறங்கியிருப்பது, ஈரானுடனான நேரடி மோதலுக்கு வழிவகுக்குமா என்ற அச்சமும் அரசியல் விமர்சகர்களிடையே எழுந்துள்ளது.

TAGS:
#World#Thayaka Tamil#News#Sri Lanka